Pamidoraŭ parvaŭ Irkuck
Horad u Sibiry naviedaŭ lehienda biełaruskaha roku Alaksandr Pamidoraŭ.
Jon byŭ zaprošavany hanarovym hościem na śviatkavańnie Kaladaŭ u Irkucku, što ładziacca ad kanca 1990-ch miascovaj biełaruskaj dyjasparaj (kiraŭnik supołki -- Aleh Rudakoŭ).
Kalady prajšli, jak zaŭsiody, 7 studzienia. Hetym razam udzielniki sabralisia ŭ prastornaj zale Abłasnoj fiłarmonii. Sabrałasia kala 100 čałaviek. Vystupili dva irkuckija fołkhurty «Lenuška» i «Kryvičy», praśpiavaŭšy pa dźvie tradycyjnyja biełaruskija pieśni.
Spadar Pamidoraŭ skaryŭ usich hledačoŭ cudoŭnym majsterstvam ihry na dvanaccacistrunnaj hitary. A jaho aŭtarskija pieśni harmanična hučali i biez rok-supravadžeńnia.
Udzielniki śviatkavańnia žartavali, što sp. Alaksandr ź Minska pryvioz u Irkuck doŭhačakanaje paciapleńnie. Padčas jaho kancertu było ŭsiaho -15. Bo napiaredadni dachodziła da -40!