Šejman pryznačany kiraŭnikom spraŭ prezidenta
Alaksandr Łukašenka pryznačyŭ Viktara Šejmana kiraŭnikom spraŭ prezidenta Respubliki Biełaruś, vyzvaliŭšy jaho ad pasady pamočnika prezidenta Biełarusi pa asablivych daručeńniach.
8 studzienia 2013 hoda Viktar Šejman Byŭ pryznačany pamočnikam prezidenta Biełarusi pa asablivych daručeńniach.
***
Viktar Uładzimiravič Šejman naradziŭsia ŭ 1958 h. u v. Sałtaniški Voranaŭskaha r-na Hrodzienskaj vobł. Skončyŭ Błahavieščanskaje vyšejšaje tankavaje kamandnaje vučylišča i Akademiju Ministerstva ŭnutranych spraŭ Respubliki Biełaruś. U 1975—1992 hh. słužyŭ va Uzbrojenych Siłach na pasadach kamandnaha, palityčnaha, kamandna-štabnoha składaŭ, u tym liku ŭ Respublicy Afhanistan. Hienierał-pałkoŭnik. Prafiesar Akademii prablem biaśpieki, abarony i pravaparadku Rasijskaj Fiederacyi. Dziaržaŭny savietnik justycyi 1-ha kłasa.
U 1990—1994 hh. byŭ deputatam Viarchoŭnaha Savieta, sakratarom Kamisii Viarchoŭnaha Savieta pa pytańniach nacyjanalnaj biaśpieki, abarony i baraćby sa złačynnaściu.
U 1994—2000 hh. — Dziaržaŭny sakratar Rady Biaśpieki — pamočnik prezidenta pa nacyjanalnaj biaśpieki, dziaržaŭny sakratar Rady Biaśpieki — ministr unutranych spraŭ.
Z 2000 h. — hienieralny prakuror Respubliki Biełaruś. U 2004—2006 hh. — Kiraŭnik Administracyi Prezidenta Respubliki Biełaruś.
U 2006—2008 hh. — Dziaržaŭny sakratar Rady Biaśpieki Respubliki Biełaruś. U 2009—2013 hh. — Pamočnik Prezidenta pa asobych daručeńniach ŭ struktury Dziaržaŭnaha sakrataryjata Rady biaśpieki.
Čytajcie taksama:
Kamientary da artykuła
