U Erytrei adbyłasia sproba vajskovaha pieravarotu
Erytreja - adna z najbiadniejšych krain śvietu.
Hrupa erytrejskich vajskoŭcaŭ 21 studzienia pasprabavała hvałtoŭnym šlacham zachapić uładu ŭ hetaj krainie, paviedamlaje Radio France International sa spasyłkaj na źviestki svaich krynic u hetaj krainie.
Zhodna z hetaj infarmacyjaj, sałdaty zachapili miascovaje radyjo i telebačańnie, nieŭzabavie paśla čaho ŭsie pieradačy ŭ efiry spynilisia. Da zaviaršeńnia pracy telebačańnie pieradało tolki adno paviedamleńnie: u krainie abviaščajecca palityčnaja amnistyja i adnaŭlajecca dziejańnie kanstytucyi 1997 hoda.
Što adbyvajecca ŭ erytrejskaj stalicy — Asmžry — dakładna nie viadoma. Adtul pastupajuć uryŭkavyja i supiarečlivyja źviestki, pravieryć jakija pakul niemahčyma.
Z 1993 hoda ŭ Erytrei kiruje vajennaja chunta, u jakuju ŭvachodziać, u asnoŭnym, vieterany vajny za niezaležnaść ad Efiopii. Pad ich uładaj kraina ŭdzielničała ŭ cełym šerahu kanfliktaŭ z susiednimi krainami, pieratvaryłasia ŭ adnu z samych biednych i najmienš svabodnych krain śvietu.