Łukašenka siońnia sustreŭsia z amierykanskimi palitołahami
Siońnia Alaksandar Łukašenka sustreŭsia z čatyrma amerykanskimi daślednikami: Hlenam Hovardam — prezidentam Džejmstaŭnskaha Fondu, Uładam Sokaram z hetaha ž Fondu, Janušam Buhajskim z Centru stratehičnych i mižnarodnych daśledavańniaŭ i Hryhoryjem Jofie, prafiesaram Redfardskaha ŭniviersiteta.
Hutarka ciahnułasia dźvie hadziny, paśla jaje prafesar Jofie raspavioŭ radyjo "Svaboda" pra jaje źmiest.
Jofe: Asnoŭnym miesidžam Alaksandra Łukašenki padčas sustrečy było toje, što Biełaruś vielmi choča ŭraŭnavažyć svaju zamiežnuju palityku, jana vielmi choča mieć narmalnyja adnosiny z ZŠA, choča, kab da jaje stavilisia z pavahaj, jak da niezaležnaj dziaržavy, jana nie źbirajecca ni z kim siabravać ni suprać Rasiei, ni suprać Amieryki, što sankcyi absurdnyja i heta šmat chto pačynaje razumieć. Pavodle prezidenta Biełarusi raniej ci paźniej dźviery na Zachad adkryjucca, ale chaciełasia b, kab heta było chutčej, pakolki biez tołku stračany čas. Zadavalisia kankretnyja pytańni, ja spytaŭ pra situacyju na dźviuch kandytarskich fabrykach.
Pavodle prezidenta heta było prosta pavieličeńnie doli dziaržavy va ŭmovach, kali pradprymalnik Novikaŭ dyskryminavaŭ biełaruskich spažyŭcoŭ, pradajučy biełaruskuju pradukcyju na zamiežnych rynkach, u tym liku i ŭ Rasiei, i žadajučy pieravieści biełaruskich spažyŭcoŭ z vysokajakasnaha šakaładu na karamiel. Ciarpieńnie skončyłasia, jon sam nie źjaviŭsia na naradzie, dzie pavinien byŭ patłumačyć svaju palityku prezidentu.
Što tyčycca zahadu № 9 nakont situacyi ŭ drevaapracoŭčaj halinie, to pavodle kiraŭnika Biełarusi heta vymušanaja miera, tolki na paŭhoda, na čas rekanstrukcyi, kab hetyja pradpryjemstvy stali takimi, jakich niama navat na Zachadzie, i chutka ŭsio heta budzie.
RS: A ci była razmova pra tyja prablemy, jakija i stvarajuć napružanaść u dvuchbakovych stasunkach? Ja maju na ŭvazie najpierš prablemu palitviaźniaŭ.
Jofe: Łukašenka skazaŭ, što nie ličyć hetych ludziej palitviaźniami. Jon nieadnarazova paŭtaraŭ svaju viadomuju tezu pra toje, što ŭ luboj zachodniaj dziaržavie, kali b była zroblenaja ataka na ŭradavy budynak, padobnaja toj, jakaja była ŭ Minsku 19 śniežnia 2010 hoda, to byli b užytyja značna bolš žorstkija miery. A ŭ Biełarusi nie ŭžyvaŭsia ni ślezaciečny haz, ni dubinki. Ja spytaŭ jaho pra artykuł Viačasłava Orhiša ŭ «Sovietskoj Biełoruśsii» nakont vyroščvańnia kanstruktyŭnaj apazicyi zamiest «piataj kałony». Jon skazaŭ, što my sami hetaje pytańnie padšturchoŭvać nie budziem, pakul niama popytu z boku biełaruskaha hramadstva. A budzie popyt — «my z zadavalnieńniem».
RS: A ci kazaŭ Łukašenka
Jofe: Jon kazaŭ pra supiarečlivaść hetych adnosinaŭ. Z adnaho boku, jon paŭtaryŭ svaju tezu, što «my adziny narod», što hetaja palityka supracoŭnictva dla nas samaja važnaja, što ŭ nas nie było inšaha vyjścia, akramia jak pahadžacca na ščylnuju intehracyju i na toj enierhietyčny hrant, jaki chacia b časova Biełaruś atrymała. Ź inšaha boku, jon kazaŭ pra toje, što chcivyja rasiejskija aliharchi chacieli b prybrać tut usio sabie. Łukašenka kazaŭ pra toje, što Rasieja źmianiła svaju pazicyju, źmianiła svajo impierskaje myśleńnie, ale, maŭlaŭ, my ŭvieś čas napahatovie, uvieś čas imkniomsia adstojvać svaju niezaležnaść. Jon pryhadaŭ «siłavuju sprobu ŭviadzieńnia adzinaj valuty», jakaja była adbitaja. Łukašenka stvaryŭ ŭjaŭleńnie, što bolš spryjalnaje staŭleńnie Rasiei da Biełarusi stała śledstvam biełaruskich vysiłkaŭ pa adstojvańni svajoj niezaležnaści.
RS: A jakija pytańni zadavali inšyja ŭdzielniki sustrečy?
Jofe: Tam byli nie stolki pytańni, kolki vystupy. Hlen Hovard kazaŭ, što biełaruskija ŭłady pavinny navučycca pijaru, kab adbivać u zachodnim druku biessensoŭnyja i časta biespadstaŭnyja paviedamleńni, jakija majuć varožy charaktar adnosna Biełarusi i nie pradyktavanyja ničyimi nacyjanalnymi intaresami. Pavodle prezidenta Džejmstaŭnskaha Fondu, ciapier infarmacyja pra Biełaruś u zachodnich medyjach dajecca vielmi tendencyjna. Pazicyja hetaha daślednaha centru palahaje jakraz u tym, kab supraćpastavić tendencyjnaj infarmacyi infarmacyju bolš uzvažanuju.