Łukašenka spytaŭ u Sukały: Čaho nie chapaje sudam?
Alaksandr Łukašenka 21 studzienia pravioŭ rabočuju sustreču sa staršyniom Viarchoŭnaha suda Valancinam Sukałam.
Łukašenka prapanavaŭ abmierkavać najbolš značnyja prablemy, jakija siońnia isnujuć u sudovaj śfiery. «U svoj čas my pryniali radykalnaje rašeńnie pa raźvićciu našaj sudovaj sistemy. Jak vy ciapier aceńvajecie, u čym my tam niedapracavali, mahčyma, jość niejkija prablemy, jakija treba vyrašyć? Čaho nie chapaje sudam?» — pacikaviŭsia jon.
Łukašenka byŭ prainfarmavany ab chodzie realizacyi Pasłańnia ab pierśpiektyvach raźvićcia sistemy ahulnych sudoŭ Biełarusi, jakoje zaćvierdžana ŭ kastryčniku 2011 hoda i stała važnym etapam
Pavodle słoŭ Valancina Sukały, za minułyja paŭtara hoda heta reforma ŭ značnaj častcy ŭžo realizavana. Z 54 daručeńniaŭ, jakija źmiaščalisia ŭ Pasłańni, vykanany 24. Astatnija znachodziacca ŭ stadyi realizacyi abo raźličany na bolš praciahły pieryjad až da 2015 hoda. Užo jość pieršyja pazityŭnyja rezultaty. Dziakujučy pryniatym mieram udałosia značna źnizić nahruzku na sudździaŭ, skaracić abjomy kryminalnaha, hramadzianskaha i administracyjnaha pravasudździa. Heta ŭ svaju čarhu dało mahčymaść palepšyć jakaść papiaredniaha rasśledavańnia i razhladu spraŭ u sudach.