Biełaruś i Kazachstan chočuć sfarmavać supolny z Rasijaj rynak nafty j hazu
Supolny rynak nafty i hazu Biełarusi, Rasii i Kazachstana moža być sfarmiravany da 1 studzienia 2015 hoda. Takoje mierkavańnie vykazaŭ žurnalistam pa vynikach praviedzienaha 6 lutaha ŭ Maskvie pieršaha pasiadžeńnia Kansultatyŭnaha kamiteta pa nafcie i hazu pry Jeŭrazijskaj ekanamičnaj kamisii ministr pa enierhietycy i infrastruktury JEEK Danijał Achmietaŭ.
Ministr padkreśliŭ, što naftahazavaja śfiera ŭvachodzić u sistemu hłabalnych intaresaŭ usich troch krain — udzielnic Mytnaha sajuza i Adzinaj ekanamičnaj prastory. «Mahčymaści ŭ hetaj śfiery źjaŭlajucca našaj vialikaj kankurentnaj pieravahaj u suśvietnaj ekanomicy», — skazaŭ jon.
«U hetaj śfiery pryniata dva vielmi surjoznyja pahadnieńni — ab arhanizacyi i raźvićci ahulnaha rynku nafty i naftapraduktaŭ i ab dostupie da hazavaj infrastruktury, — skazaŭ Danijał Achmietaŭ. — Na pasiadžeńni my abmierkavali pytańni pa raźvićciu hetych dvuch pahadnieńniaŭ».
Pakolki hetyja dva pahadnieńni źjaŭlajucca bazavymi, to jany nie mohuć praduhledzieć usich niuansaŭ, jakija ŭźnikajuć, adznačyŭ Danijał Achmietaŭ. Jon paviedamiŭ, što razhledžany pytańni, źviazanyja z raspracoŭkaj adzinych pravił dostupu da naftahazatranspartnych sistem, z adzinaj mietodykaj vyznačeńnia ich techničnaj mahčymaści i svabodnych mahutnaściej, a taksama mietadałohijaj farmiravańnia indykatyŭnych bałansaŭ enierharesursaŭ dziaržaŭ — udzielnic AEP.
Na dumku Danijała Achmietava, realizacyja hetych dvuch pahadnieńniaŭ źjaŭlajecca niejkaj ahulnaj płatformaj, jakaja daść mahčymaść da 1 maja 2014 hoda sfarmiravać
Ministr adznačyŭ, što ŭ ramkach AEP supolny rynak nafty i hazu «ŭ niekatoraj stupieni pracuje, ale heta pakul na asnovie mižuradavych pahadnieńniaŭ». «Da 1 studzienia 2015 hoda moža być sfarmiravany supolny rynak nafty i hazu», — zajaviŭ ministr pa enierhietycy i infrastruktury JEEK.