Prezidenty Sierbii i Kosava ŭpieršyniu pacisnuli adno adnamu ruki, ale kampramisu nie dasiahnuli
Prezidenty Sierbii i Respubliki Kosava Tamisłaŭ Nikolič i Atyfieta Jachjaha ŭpieršyniu pacisnuli adno adnamu ruki padčas sustrečy ŭ Bruseli,
paviedamlaje
«Tak, čamu b i nie? Takija sustrečy śpiecyjalna arhanizujuć, kab ludzi lepš adno pra adnaho daviedalisia», — skazaŭ sierbski prezident, adkazvajučy na pytańnie, ci pacisnuŭ jon ruku svajmu kosaŭskamu kalehu.
Prezident Sierbii zajaviŭ, što takija sustrečy mahli b dapamahčy dasiahnieńniu kampramisu, ale ŭ dadzienym vypadku jon nie ŭbačyŭ takoha žadańnia z boku surazmoŭnicy.
«Kali Pryšcina ličyć, što moža vieści z nami pieramovy jak niezaležnaja dziaržava, to pośpiechu nie budzie», — padkreśliŭ Nikolič.
Pierad pačatkam pieramovaŭ Jachjaha zajaviła, što sustrakajecca ź sierbskim prezidentam jak kiraŭnik suvierennaj, niezaležnaj dziaržavy.
«My tut raŭnapraŭnyja. Heta adkryćcio novaha raździeła na našym šlachu jeŭraatłantyčnaj intehracyi», — zajaviła Jachjaha.
Arhanizavać sustreču atrymałasia pry pasiarednictvie viarchoŭnaha pradstaŭnika ES pa zamiežnych spravach i palitycy biaśpieki Ketryn Eštan.