Kozik sustreŭsia ŭ Baku z Alijevym

Sustreča staršyni Fiederacyi prafsajuzaŭ Biełarusi (FPB) Leanida Kozika z prezidentam Azierbajdžana Ilchamam Alijevym adbyłasia 6 lutaha ŭ Baku.

Jak paviedamlaje pres-słužba FPB, baki vykazali ŭzajemnuju zacikaŭlenaść u raźvićci adnosinaŭ pamiž Biełaruśsiu i Azierbajdžanam. Alijeŭ padkreśliŭ, što «adnosiny pamiž našymi krainami buduć i dalej aktyŭna raźvivacca». «Akramia dalejšaha rostu tavaraabarotu pamiž Biełaruśsiu i Azierbajdžanam buduć umacoŭvacca adnosiny pamiž prostymi ludźmi šlacham abmienu kulturnymi, navukovymi, spartyŭnymi delehacyjami, aktyvizacyi supracoŭnictva pamiž Kanfiederacyjaj prafsajuzaŭ Azierbajdžana i Fiederacyjaj prafsajuzaŭ Biełarusi», — pieradaje słovy prezidenta Azierbajdžana pres-słužba FPB.

Alijeŭ nahadaŭ, što ŭzajemnyja vizity kiraŭnikoŭ Biełarusi i Azierbajdžana prachodzili ŭžo dvojčy, tym samym zaśviedčyŭšy, što namahańni dla raźvićcia ŭzajemaadnosinaŭ pamiž krainami prykładajucca na vyšejšym uzroŭni.

Biełaruskaja prafsajuznaja delehacyja na čale ź Leanidam Kozikam 5–6 lutaha ŭziała ŭdzieł u rabocie IV źjezda Kanfiederacyi prafsajuzaŭ Azierbajdžana (KPA), jaki prachodziŭ u Baku.

Delehacyja FPB u pieršy rabočy dzień mierapryjemstva praviała šerah dvuchbakovych sustreč z šeraham prafcentraŭ zamiežža, da prykładu Polščy, Turcyi, Małdovy, Uźbiekistana i inšych krain.

Kamientary da artykuła