Čytańnie-tandem: Uładzimir Arłoŭ i Nikol Lubič
8 lutaha, a 19-j u kanfierenc-zale Instytuta imia Hiote ŭ Minsku (Charužaj, 25/3), u miežach Niamieckaha knižnaha kirmaša projdzie čytańnie-tandem z udziełam Uładzimira Arłova i Nikola Lubiča (Hiermanija).
U ramanie «Marskaja ciša» (2010) Nikol Lubič raskazvaje pra sudovy praces nad sierbskim vajennym złačyncam Złatkam Šymičam.
Apraŭdać ci abvinavacić złačyncu — vyrašajuć sudździ. Adnak što takoje vina i adkaznaść? Chto źjaŭlajecca złačyncam, a chto achviaraj? Ci moža złačynca taksama być achviaraj albo achviara pieratvarycca ŭ złačyncu? Adkaz na hetyja pytańni sprabuje znajści Robiert, jakoha los źviazaŭ z dačkoj Šymiča.
Nikol Lubič naradziŭsia ŭ 1971 hodzie ŭ Zahrabie ŭ siamji inžyniera-avijatechnika, dziciačyja hady pravioŭ ŭ roznych krainach — Šviecyi, Hrecyi, Rasii i Hiermanii. Paśla atrymańnia adukacyi pa śpiecyjalnaści «palitałohija» jon pracuje piśmieńnikam i žurnalistam u Bierlinie. U jakaści pazaštatnaha karespandenta supracoŭničaje z vydańniami Die Zeit, Süddeutsche Zeitung i časopisam Geo. Za svaje repartažy Nikol Lubič nieadnarazova atrymlivaŭ prafiesijnyja ŭznaharody i premii.
Piśmieńnik i historyk Uładzimir Arłoŭ pračytaje ŭryŭki z apaviadańnia-kazki «Orden Biełaj Myšy».
Uvachod volny.
Čytajcie taksama:
Kamientary da artykuła