Pad anłajn-pietycyjaj suprać znosu aŭtavakzała «Maskoŭski» padpisalisia 2,5 tys. čałaviek

Bolš jak 2,5 tysiačy čałaviek padpisalisia pad anłajn-pietycyjaj suprać znosu budynka aŭtavakzała «Maskoŭski» ŭ Minsku, dzie płanuje pabudavać ofis rasijski «Hazpram».

Jak paviedamiŭ aktyvist arhkamiteta pa stvareńni hramadskaj arhanizacyi «Jeŭrapiejskaja pierśpiektyva» Dzianis Kobrusieŭ, pietycyja raźmieščana na sajcie change.org. Heta zroblena dla taho, kab vynieści pytańnie pra znos aŭtavakzała na hramadskaje abmierkavańnie. «Kali „Hazprom“ budzie budavać na miescy aŭtavakzała svoj ofis, to rašeńnie budzie prymacca Minharvykankamam, i mierkavańnie minčan nichto pytać nie budzie», — adznačyŭ Kobrusieŭ. Pavodle jaho słoŭ, meta kampanii — sabrać 100 tys. anłajn-podpisaŭ.

«Nie pavinna być tak, što kali prychodzić niejki bahaty inviestar, taki jak „Hazpram“, palcam tyckaje ŭ toje miesca, dzie žadaje pastavić svoj ofis, i haradskija ŭłady pavinny vyzvalić heta miesca», — skazaŭ Kobrusieŭ. Pavodle jaho słoŭ, aŭtavakzał zručny miascovym žycharam, jakija časta jeździać za horad.

Jak paviedamiŭ aktyvist, inicyjatyŭnaja hrupa ź liku miascovych žycharoŭ zajmajecca taksama zboram podpisaŭ na papiery. Suprać znosu budynka aŭtavakzała «Maskoŭski» ŭžo padpisalisia bolš jak 500 čałaviek, hałoŭnym čynam žychary mikrarajona Uschod-2.

U pierśpiektyvie miascovyja žychary majuć namier nakiravać podpisy ŭ Minharvykankam.

Kamientary da artykuła