Maładafrontaviec atruciŭsia na Akreścina turemnaj ježaj
Aktyvist niezarehistravanaj arhanizacyi «Małady front» Siaržuk Klujeŭ znachodzicca ŭ infekcyjnym špitali. Chłopca aryštavali ŭ sudzie Savieckaha rajonu na 10 sutak.
Aktyvist niezarehistravanaj arhanizacyi «Małady front» Siaržuk Klujeŭ znachodzicca ŭ infekcyjnym špitali. Chłopca aryštavali ŭ sudzie Savieckaha rajonu na 10 sutak. Jaho zatrymali za raspaŭsiud ulotak z zaklikam udzielničać u akcyi 27 lipienia, ale ŭ milicyi abvinavacili ŭ niecenzurnaj łajancy.
U turmie na vulicy Akreścina, paśla taho jak Siaržuk źjeŭ katletu i kašu, jamu stała kiepska. Lekarka vyklikała «chutkuju», i chłopca advieźli ŭ infekcyjny špital. Tam dvoje sutak ź im byli kanvairy.
Siaržuk apavioŭ, jak heta było: «Ja źjeŭ katletu, mnie stała kiepska. Lekarka vyklikała chutkuju dapamohu. Joj na Akreścina skazali, što mnie patrebien kanvoj. Kali mianie pryvioz kanvoj, mnie nadzieli kajdanki i zaviali ŭ špital. Prykavali kajdankami da kojki i skazali spać. Kali ja prasiŭsia ŭ prybiralniu, jany adčyniali hetyja zamki, a potym znoŭ začyniali».
Medyki robiać analizy, i paśla hetaha, mahčyma, stanie viadoma, čym atruciŭsia ŭ turmie Siaržuk Klujeŭ.