Biełaruskija turystki znajšlisia
Ich šukali ceły tydzień.
U Karelii rasijskimi ratavalnikami znojdzieny try źnikłyja biełaruskija turystki.
Jak paviedamiła BiełaPAN pres-sakratar rehijanalnaha ŭpraŭleńnia MNS Rasii pa Karelii Zinaida Burtoŭskaja, žančyny byli znojdzieny kala 21.00 pa miascovym časie (20.00 - pa minskim). Stan ich zdaroŭja zdavalniajučy, jany nakiravany ŭ Centralnuju rajonnuju balnicu horada Siehieža, jaki raźmieščany ŭ 260 km pa poŭnač ad Pietrazavodska.
Padrabiaznaści pakul nieviadomyja.
Pošuki źnikłych turystaŭ ciahnulisia amal tydzień. Siońnia nočču na dapamohu rasijskim ratavalnikam płanavała vylecieć hrupa biełaruskich śpiecyjalistaŭ na čale z načalnikam respublikanskaha atrada śpiecyjalnaha pryznačeńnia MNS Biełarusi Alaksandram Šamko.