Ukrainski patryjarch raskrytykavaŭ Papu Franciška za admovu ad limuzina
Patryjarch Kijeŭski i ŭsiojRusi-Ukrainy Fiłaret raskrytykavaŭ Papu Franciška za toje, što toj paśla svajho abrańnia admoviŭsia ad prapanavanaha jamu limuzina.
Svaju zajavu kiraŭnik Ukrainskaj pravasłaŭnaj carkvy Kijeŭskaha patryjarchata (hetaja carkva nie adnosicca da RPC) zrabiŭ ŭviečary 16 sakavika ŭ efiry 5 kanała.
Na dumku Fiłareta, Jevanhielle vučyć być ścipłym pierad Boham, a nie napakaz.«Ja nie ŭchvalaju takija ŭstupki, bo heta praca na pakaz… <…> Hospad jak kaža — nie vystaŭlajcie praviednaści vašaj pierad ludźmi i nie pakazvajcie svaju ścipłaść pierad ludźmi, a budźcie ścipłymi ŭ siaredzinie, a nie napakaz».
Sam Fiłaret pierasoŭvajecca na «Mersedesie» pradstaŭničaha kłasa, jaki, pa jaho słovach, jamu padaryli biźniesmieny.Patryjarch tłumačyć taki vybar mašyny tym, što na rasijskim aŭtamabili jon nie zmoh by vykonvać svaje abaviazki. «Ja za hod naviedvaju ad 10 da 20 jeparchij, dziakujučy tamu, što jość aŭtamabil taki, jaki nie spyniajecca», — skazaŭ jon.