Papa Francišak pieršuju kazań pryśviaciŭ miłasernaści, vybraŭ dla jaje parafijalnuju carkvu - videa
Papa Francišak źviarnuŭsia da viernikaŭ sa svajoj pieršaj niadzielnaj kazańniu i malitvaj Angelus Dei («Anioł Haspodni»). Pasłuchać pantyfika na płoščy pierad saboram Śviatoha Piatra sabralisia kala 150 tysiač čałaviek.
Papa, źviartajučysia da viernikaŭ, zamiest taho kab pračytać zahadzia napisanuju pramovu, pramaŭlaŭ «biez papierki».
U svajoj hamilii Francišak nahadaŭ, što pačućcio miłasernaści źmianiaje śviet, a taksama zaklikaŭ viernikaŭ pamiatać, što Hospad, jaki zaŭsiody daruje, «nikoli nie stomicca» hetaha rabić.
Paśla kazani Papa paprasiŭ viernikaŭ malicca za jaho, a taksama pažadaŭ «dobraha niadzielnaha dnia i smačnaha abiedu».
Da taho jak pantyfik źviarnuŭsia da prysutnych na płoščy, jon adsłužyŭ svaju pieršuju niadzielnuju imšu ŭ nievialikaj prychodskaj carkvie ŭ Vatykanie, a nie ŭ sabory Śviatoha Piatra.
U kancy niadzielnaj imšy jon raźvitvaŭsia ź ludźmi, jakija pakidali carkvu, jak prosty prychadski śviatar, prosiačy mnohich ź ich pamalicca za jaho, a zatym ździejśniŭ špacyr uzdoŭž vatykanskich ścien.
Paźniej, usiaho praź niekalki chvilin paśla malitvy Angelus, Francišak adpraviŭ svajo pieršaje paviedamleńnie ŭ Twitter: «Darahija siabry, ja dziakuju vam ad usiaho serca i prašu praciahvać malicca za mianie. Papa Francišak».