Na dolu Rasii i ES prypadaje pa 38% biełaruskaha ekspartu

Na dolu Rasii ŭ studzieni 2013 hoda prypadała 38% biełaruskaha ekspartu, krain ES — 37,8%, śviedčać danyja Nacyjanalnaha statystyčnaha kamiteta.

Z ahulnaha abjomu ekspartu na dolu astatnich krain SND prypadała 14,2%, astatnich krain — 10%. Impart z Rasii skłaŭ 59,8% ahulnaha abjomu impartu, astatnich krain SND — 5,4%, krain ES — 19,1%, astatnich dziaržaŭ — 15,7%.

U studzieni zarehistravany ekspartna-impartnyja apieracyi sa 160 krainami. Tavary pastaŭlalisia na rynki 114 dziaržaŭ, impartavałasia pradukcyja z 143.

Asnoŭnymi handlovymi partniorami Biełarusi ŭ studzieni źjaŭlalisia Rasija — 49,2% usiaho abjomu tavaraabarotu, Niderłandy — 9,6%, Ukraina — 7,7%, Hiermanija — 5,6%, Kitaj — 4,9%, Polšča — 2,4%, Italija — 2,3%, Vialikabrytanija — 1,6%, Litva — 1,5%, Łatvija — 0,9%.

U ahulnym abjomie ekspartu 37,4% skłali naftapradukty.

Kamientary da artykuła