Pa zarobkach Biełaruś adkaciłasia na 4-je miesca ŭ SND, 7-je ŭ byłym SSSR

Jak paviedamiła načalnik upraŭleńnia statystyki ŭzroŭniu žyćcia nasielnictva i abśledavańnia chatnich haspadarak Biełstata Ina Kanašonak 19 sakavika na pres-kanfierencyi ŭ Minsku, u 2012 hodzie siaredniamiesiačnaja zarpłata ŭ Biełarusi składała 447 dołaraŭ u ekvivalencie.

Abahnali Biełaruś pa hetym pakazčyku Rasija (859 dołaraŭ), Kazachstan (678) i Azierbajdžan (504).

Pavodle infarmacyi Kanašonak, siaredniamiesiačnaja zarpłata rabotnikaŭ (biez uliku rabotnikaŭ małych i mikraarhanizacyj) letaś skała 3,7 młn. rubloŭ i ŭ paraŭnańni z 2011 hodam pavialičyłasia na 21,9%.

Najbolšymi tempami realnaja zarpłata rasła ŭ sielskaj haspadarcy (za hod jana pavialičyłasia na 32%), budaŭnictvie (na 27,1%), na transparcie i suviazi (na 26,8%). «Niahledziačy na vysoki temp rostu zarpłaty ŭ sielskaj haspadarcy jaje naminalnaje značeńnie ŭ 2012 hodzie było na 27% nižejšym za siarednierespublikanski ŭzrovień», — zaŭvažyła Kanašonak.

U biudžetnych arhanizacyjach naminalnaja naličanaja siaredniamiesiačnaja zarpłata ŭ 2012 hodzie skłała 2,7 młn. rubloŭ

U ahulnym abjomie hrašovych dachodaŭ nasielnictva ŭ 2012 hodzie apłata pracy zajmała 54%, dachody ad pradprymalnickaj i inšaj dziejnaści, što prynosić dachod, — kala 11%, 21% prypadaŭ na tranśfierty nasielnictvu, 3% skłali dachody ad ułasnaści, bolš jak 1% — inšyja dachody.

U studzieni 2013 hoda siaredniaja zarpłata ŭ Biełarusi skłała 4,3 młn. rubloŭ i ŭ paraŭnańni sa studzieniem 2012 hoda pavialičyłasia ŭ realnym vyražeńni na 22,9%.

Siarod krain byłoha SSSR Biełaruś pa ŭzroŭni zarobkaŭ zajmaje 7-je miesca.

Kamientary da artykuła