Amierykancy zapuścili zvyšsakretny spadarožnik infračyrvonaj sistemy kaśmičnaha bazavańnia

20.03.2013 / 9:7

Schiema ź Vikipiedyi.

Z bazy VPS ZŠA na mysie Kanavierał (štat Fłaryda) u noč na sieradu zapuščany rakieta-nośbitAtlas-5 sa zvyšsakretnym vajskovym spadarožnikam GEO-2. Jon budzie vykarystoŭvacca ŭ procirakietnaj abaronie ZŠA. Pra zapusk paviedamili amierykanskija ŚMI.

Spadarožnik važyć 4,5 tony. Jon uvachodzić u stvaranuju Pientahonam arbitalnuju hrupoŭku infračyrvonych sistem kaśmičnaha bazavańnia (SBIRS).

Meta sistemy — rańniaje papiaredžańnie ab puskach rakiet, a taksama vyviedka.

U skład SBIRS uvachodziać spadarožniki NEO-1, zapuščany ŭ 2006 hodzie, i NEO-2, što pačaŭ słužbu ŭ 2008 hodzie. Pieršy spadarožnik GEO-1 źjaviŭsia ŭ 2011 hodzie. Viaducca pracy nad nastupnymi aparatami hetaha typu.

Spadarožniki lotajuć na hieastacyjanarnaj arbicie na vyšyni kala 36 tys. km nad pavierchniaj ziamli. Usia infarmacyja pra ich i ich zadačy zasakrečanaja.

Jany dazvalajuć zasiakać puski jak mižkantynientalnych rakiet, tak i rakiet siaredniaj dalnaści. Ličycca, što ZŠA zachoŭvajuć suśvietnaje lidarstva ŭ technałohijach PRA.

Spadarožniki vyrablaje United Launch Alliance, supolnaje pradpryjemstva karparacyj Lockheed Martin i Boeing.

Čytajcie taksama:

Kamientary da artykuła