U Mahilovie ź internata vysialajuć sacyjał-demakrata Mikałaja Załoznaha

Jon pierakanany, što pryčyna — jaho apazicyjnaja dziejnaść.

U Mahilovie ź internata vysialajuć siabra Biełaruskaj sacyjał-demakratyčnaj partyi «Hramada» Mikałaja Załoznaha. Farmalnaja padstava — u suviazi sa spynieńniem pracoŭnych adnosinaŭ.

Sam ža 67-hadovy partyjny aktyvist ličyć, što pryčyna zvalnieńnia z pracy i vysialeńnia ź internata — jaho apazicyjnaja dziejnaść.

Załozny pracavaŭ santechnikam na kamunalnym žyllova-ekspłuatacyjnym pradpryjemstvie. Absłuhoŭvaŭ niekalki internataŭ. Jak jon śćviardžaje, narakańniaŭ na jaho pracu nie było. A

voś kali pačalisia vybary, kaža aktyvist, da jaho pačali čaplacca. Prapanavali padpisać damovu, što jon zhadžajecca vykonvać pracu va ŭmovach paharšeńnia ŭmoŭ, heta značyć skasavańnia dapłat za sumiaščeńnie prafiesii ŭ suviazi z vytvorčaj nieabchodnaściu

Załozny: «Ja ich za ruku schapiŭ, kali kamiendant i vychavaciel źbirali podpisy pa daručeńni načalnika. A potym vyśvietliłasia, što jany ni ŭ jakuju inicyjatyŭnuju hrupu nie ŭvachodzili. Ja im tady skazaŭ, što ja taksama źbiraju podpisy za inšaha kandydata. Vo tady jany spałochalisia, i voś adkul uvieś syr-bor. Usio heta dakumientalna zafiksavana. A ciapier ja, zrazumieła, u ich vorah № 1».

Załozny nie maje inšaha miesca žycharstva.

«Budu bamžom! Chto mianie ciapier prapiša ŭ 67 hadoŭ? Ja pryjechaŭ u Biełaruś z Murmanska, kali pierabudova była. Atrymaŭ tut hramadzianstva. A ciapier u mianie hady takija, što ni kredyt nie voźmieš — ničoha», —

Załozny vinavacić u svaich prablemach načalnika žyllova-ekspłuatacyjnaha pradpryjemstva Paŭła Šyšova. Śćviardžaje, što toj pomścić jamu za pryncypovuju pazicyju padčas vybaraŭ. Sam ža spadar Šyšoŭ abvinavačańni ličyć biespadstaŭnymi.

U kiraŭnictvie BSDP «Hramada» zajaŭlajuć, što sočać za situacyjaj, u jakoj apynuŭsia Mikałaj Załozny. Abiacajuć jamu padtrymku. Siabra prezidyuma partyi Ihar Barysaŭ zapeŭnivaje:

«Harantuju, što na vulicy jon nie zastaniecca.

Kamientary da artykuła