BIEŁ Ł RUS

MTS i MNS pravodziać testavaje SMS-apaviaščeńnie abanientaŭ ab zdareńniach

28.03.2013 / 21:10

Bieł Łac Rus

Mabilny apieratar «MTS» sumiesna ź Ministerstvam pa nadzvyčajnych situacyjach pravodzić testavaje SMS-apaviaščeńnie abanientaŭ ab zdareńniach. Paviedamleńni skiravanyja žycharam Kamianieckaha, Šarkaŭščynskaha, Čačerskaha, Bierastavickaha, Kapylskaha i Chocimskaha rajonaŭ Biełarusi.

Kiraŭnik PR-hrupy STAA «Mabilnyja TeleSistemy» Taćciana Kurbat paviedamiła, što ŭ vypadku paśpiachovaha testavańnia hetaja praktyka budzie prymianiacca ŭ dalejšym dla apieratyŭnaha infarmavańnia žycharoŭ rehijonaŭ, u jakich uźnikajuć roznyja nadzvyčajnyja situacyi.

Masavaje apaviaščeńnie praz słužbu karotkich paviedamleńniaŭ praktykujecca ŭpieršyniu. SMS-rassyłka pravodzicca pa instrukcyi, zaćvierdžanaj «MTS» i MNS.
Zhodna z hetym dakumienam, u vypadku ŭźniknieńnia nadzvyčajnaj situacyi śpiecyjalisty MNS źviazvajucca z pradstaŭnikami apieratara suviazi, jakija, u svaju čarhu, na praciahu 30 chvilin adpraŭlajuć nieabchodnuju infarmacyju abanientam.
«SMS-rassyłka asabliva efiektyŭnaja ŭ vypadku łakalnych katastrof, kali nieabchodna danieści da žycharoŭ paciarpiełych rehijonaŭ rekamiendacyi MNS,
— prakamientavaŭ pieršy namieśnik hiendyrektara STAA „Mabilnyja TeleSistemy“ Jaŭhien Brancaŭ. — My bačym, što ŭ ekstrannych situacyjach ludzi vyrašajuć prablemy, vykarystoŭvajučy mabilnuju suviaź. Naprykład, padčas niadaŭniaha śniežnaha ŭrahanu „Chaŭjer“ kolkaść zvankoŭ u sietcy „MTS“ pavialičyłasia ŭ siarednim na 8%, abjom ža mabilnaha internet-trafika ŭzros na 10% u paraŭnańni z pakazčykami zvyčajnaha dnia».

Čytajcie taksama:

Kamientary da artykuła