Čysty čaćvier: Papa Francišak abmyŭ nohi niepaŭnaletnim viaźniam
Abrad abmyvańnia noh zvyčajna prachodziŭ z udziełam biskupaŭ, novy papa pravioŭ jaho z kryminalnikami.
Papa Francišak pravioŭ abrad abmyvańnia noh u rymskaj turmie Kazal-del-Marma, dzie ŭtrymlivajucca niepaŭnaletnija źniavolenyja.
Pantyfik abmyŭ nohi dvanaccaci źniavolenym roznych nacyjanalnaściej i vieravyznańniaŭ. Siarod ich było dvoje dziaŭčat. Charakterna, što raniej žančyny nie dapuskalisia da ŭdziełu ŭ rytuale abmyvańnia noh Papam.
Papa Francišak, u śviecie kardynał Chorchie Marya Bierhola, jaki ŭ minułym byŭ arcybiskupam Buenas-Ajresa, u siabie na radzimie dazvalaŭ dziaŭčatam udzielničać u hetym abradzie. Jamu ŭdałosia damovicca pra heta i ŭ Italii.
Ciaham svajho carkoŭnaha słužeńnia kardynał Bierhola niaźmienna zaklikaŭ da kłopatu pra biednych, słabych i chvorych i dakazvaŭ nieabchodnaść hetaha na ŭłasnym prykładzie: tak, u 2001 hodzie ŭ adnym z chośpisaŭ jon abmyvaŭ i całavaŭ nohi 12 chvorym na ŚNID ludziej.
Abrad abmyvańnia noh u Čysty Čaćvier natchniony adnym ź jevanhielskich padańniaŭ. Pavodle jaho, Isus pierad zdradaj i ŭkryžavańniem abmyŭ nohi apostałam.
U niadzielu kataliki śvietu adznačajuć Vialikdzień uvaskrasieńnia Chrystovaha.