Aŭtamabilnyja terminy pa-biełarusku: jak budzie «turbonadduv» i «raspriedvał»?

Kali łaska, pytajciesia nas pra inšyja cikavyja dla Vas słovy i vypadki

Jak pravilna pierakłaści «turbonadduv», «raspriedvał», «lityje diski» i «obvies» zapytalisia ŭ NN aŭtary adnaho aŭtabłoha.

«Padčas padrychtoŭki pieradačy «Na kołach» dla Biełsata, my ŭvieś čas sutykajemsia ź pierakładam terminałohii, — raskazvaje movaznaviec Źmicier Saŭka. — Naprykład «raspriedvał» pa-biełarusku budzie niajnakš, jak «raźmierkavalny vał», biez skaračeńniaŭ».

«Turbonadduv» pa-biełarusku pierakładajecca jak «turbanadździmańnie».

«Heta prazrystaja terminałohija. — kaža spadar Saŭka. Pakul nie para zamianiać terminy na ŭłasnabiełaruskija navatvory. «Bo kali my prydumajem niešta absalutna svajo, što nie budzie adpaviadać anałaham, nie budzie vidavočna zrazumiełym, tady takoj terminałohijaj nichto nie zmoža karystacca», — kaža movaznaviec.

«Lityje diski» pierakładajucca jak «lityja dysk», tolki z naciskam na «i» ŭ słovie «lityja». Taja terminałahoija, jakaja jość u słoŭniku Krapivy, całkam padychodzić dla vykarystańnia».

Uźnikaje pytańnie i z terminam «obvies», jaki pa-biełarusku budzie hučać jak abviś.

«Hety termin u ruskaj movie ŭtvorany nie ad słova «vies», to bok «vaha», a ad dziejasłova «visieć», — kaža spadar Saŭka. — Da taho ž u biełaruskaj movie termin maje žanočy rod. U Krapivy jość jašče varyjant «firanka», ale jano nie budzie pračytvacca. U našaj situacyi čałaviek prosta budzie pytacca «jak pa-rasiejsku», a ŭ varyjancie «abviś» užo jość padkazka».

Raspaŭsiudžanaja pamyłka ŭ biełaruskaj movie — niapravilnaje napisańnie ŭ pierakładzie słova «tiuninh» .

«Pa-biełarusku jaho varta pisać praz apostraf, «tjuninh». — kaža spadar Saŭka. — Bo ŭ anhlijskaj movie niama miakkaha «ć», toje samaje adbyvajecca pry pierakładzie nazvy chostynha YouTube. Biełaruskaja mova maje srodki, kab blizka pieradać hučańnie aryhinalnaha anhlijskaha termina».

* * *

Kali łaska, pytajciesia nas pra inšyja cikavyja dla Vas słovy i vypadki.

Kamientary da artykuła