Aryštavany dyrektar Minskaha miasakambinata?
Dyrektar Minskaha miasakambinata zatrymany pa padazreńni ŭ karupcyi. Pra heta paviedamiŭ čytač sajta charter97.org. Jon napisaŭ sa spasyłkaj na svajakoŭ, jakija pracujuć na pradpryjemstvie, što Uładzimir Łazoŭski abvinavačvajecca ŭ atrymańni chabaraŭ.
«Dyrektara Minskaha miasakambinata pasadzili za chabar», - paviedamiŭ jon.
Hetuju infarmacyju ŭskosna paćvierdzili i na samim pradpryjemstvie. U pryjomnaj dyrektara skazali, što «jaho na pracoŭnym miescy niama i nie budzie ŭ bližejšy čas». Pryčynu adsutnaści Łazoŭskaha nazvać admovilisia, spasyłajučysia na toje, što «takuju dalikatnuju infarmacyju biez ukazańnia vyšejšaha načalstva davać nie mohuć».
Taksama ŭ pryjomnaj dyrektara rastłumačyli, što časova vykonvaje jaho abaviazki Łarysa Sakalskaja, adnak źviazacca ź joj nie ŭdałosia.