Kabyłu z Damašoŭ niemahčyma vylečyć: jaje vykupiać, kab skaracić pakuty
Maładziečanki, jakija paviedamili partału Kraj.by 7 krasavika ab paranienym kani, jaki lažyć na darozie ŭ vioscy Damašy Maładziečanskaha rajona, vyklikali ranicaj 8 krasavika maładziečanskich vieterynaraŭ.
Jak raspaviała adna z udzielnic padziej Aksana Kiryluk, paśla publikacyi artykuła viečaram 7 krasavika pastupali biaskoncyja zvanki z prapanovaj ludźmi materyjalnaj dapamohi. Tyja ž zvanki pastupali i pastupajuć na partał Kraj.by.
Pa słovach Aksany,
uviečary ŭ niadzielu znajšlisia ludzi, hatovyja całkam vykupić kabyłu i advieźci jaje na lačeńnie ŭ Respublikanski centr alimpijskaj padrychtoŭki konnaha sportu i koniehadoŭli ŭ Ratamcy, ale tam nie byli hatovyja jaje pryniać u hety dzień.Tamu žyvioła zastałosia jašče na adnu noč na vulicy.
Ranicaj žančyny vyklikali ŭ Damašy maładziečanskich vieterynaraŭ, niahledziačy na niežadańnie haspadaroŭ. Jany kanstatavali ciažki stan kabyły, jana znachodzicca, na žal, užo pry śmierci. Ułaśniki žyvioły dalej nastojvajuć na vykupie, nie dazvalajučy jaje ŭsypić. Ich cana -- piaćsot dalaraŭ.
Ludzi, jakija ŭdzielničajuć u losie žyvioliny, stali pierad dylemaj, ale vyrašyli ŭsio ž pajści na ŭmovy haspadaroŭ, kab skaracić pakuty kania. Taksama jany ŭsio ž taki vyklikali pradstaŭnikoŭ sielsavieta i ŭčastkovaha milicyjanta, kab jany mahli acanić, ci nie parušyli ŭłaśniki kabyły zakon, pakidajučy jaje lažać na darozie biez dapamohi try dni.