Makiej praciahvaje pramacvać jeŭrapiejcaŭ — zaraz Łatvija

Ministry zamiežnych spraŭ Biełarusi i Łatvii Uładzimir Makiej i Edhars Rynkievičs sustrenucca 10 krasavika ŭ Viciebsku. Pra heta painfarmavała pres-słužba MZS Biełarusi.

Jak paviedamlajecca, Makiej i Rynkievič abmiarkujuć «uvieś śpiektr aktualnych pytańniaŭ, jakija tyčacca raźvićcia biełaruska-łatvijskaha supracoŭnictva ŭ palityčnaj, handlova-ekanamičnaj i humanitarnaj halinach, a taksama ŭzajemadziejańnia pa linii Biełaruś-ES».

U sustrečy ŭ Viciebsku ŭdzieł voźmuć taksama kiraŭniki pamiežnych viedamstvaŭ dźviuch krain Alaksandr Boječka i Normunds Harbars.

Ad peŭnaha času biełaruskaje zamiežnapalityčnaje viedamstva intensifikavała dypłamatyčnyja kantakty z metaj vyvieści kiraŭnictva krainy z-pad sankcyj ES, uviedzienych u adkaz na parušeńni pravoŭ čałavieka ŭ Biełarusi i niesiabroŭskuju palityku Minska.

Łatvija tradycyjna była najbolšym praciŭnikam sankcyj suprać łukašenkaŭcaŭ. Biełaruski i łatvijski biznes majuć pryvilejavanyja suviazi. Havorka idzie pra ekspart nafty i naftapraduktaŭ, u tym liku słavutych rastvaralnikaŭ, praz łatvijskija porty. 2-miljonnaja Łatvija zajmaje paradaksalnaje 4-je miesca siarod usich krain, ź jakimi handluje Biełaruś, pa abjomie ekspartu ŭ hetuju krainu. U 2012-m biełaruski ekspart u Łatviju skłaŭ amal 3,3 młrd dalaraŭ, pry hetym impart — usiaho 0,15 młrd.

Kamientary da artykuła