Biełaruskija knihi atrymali ŭ Makvie 10 dyplomaŭ
Siarod nazvaŭ biełaruskich knih-pieramožcaŭ — «Biełaruski falkłor», «Britannica. Nastolnaja encikłopiedija», «Rośsijskaja impierija v ćvietie 1909‑1915».
Dziesiać dyplomaŭ atrymali biełaruskija vydańni na IV Mižnarodnym konkursie «Mastactva knihi», jaki prachodziŭ 9‑10 žniŭnia ŭ Maskvie.
Dvuchtomnaja encyklapedyja «Biełaruski falkłor» vydaviectva «Biełaruskaja Encykłapiedyja imia P.Broŭki» zavajavała dyplom pieršaj stupieni ŭ naminacyi «Maje ŭniversytety».
U hetaj samaj naminacyi dyplom treciaj stupieni atrymała kniha «Mužčynski kaścium na Biełarusi»vydaviectva «Biełaruś».
U naminacyi «Naš sučaśnik» dyplomam treciaj stupieni ŭhanaravanaja seryja z troch knih «Žyćcio znakamitych ludziej Biełarusi» vydaviectva «Mastackaja litaratura».
Uładalnikam dyplomu druhoj stupieni ŭ naminacyi «Kniha — dzieciam» stała kniha «Dikije lebiedi» (H. Ch. Andersena) vydaviectva mienskaha Śviata#8209;Jelisaviecinskaha žanočaha manastyra.
U naminacyi «Addrukavana ŭ Sadružnaści» dyplom pieršaj stupieni atrymaŭ albom «Počtovyje marki Riespubliki Biełaruś» (drukarnia «Pryntcim‑Pak»), duplom treciaj stupieni — encyklapedyja «Britannica. Nastolnaja encikłopiedija» («Palihrafkambinat im. Ja.Kołasa»).
U naminacyi «Dyjaloh kultur» dyplomam druhoj stupieni ŭhanaravany fotaalbom «Rośsijskaja impierija v ćvietie 1909‑1915» vydaviectva Biełaruskaha Ekzarchatu Ruskaj pravasłaŭnaj carkvy.
U naminacyi «Maja kraina» dyplom treciaj stupieni atrymała encyklapedyja ŭ troch tamach «Sovriemiennaja Biełaruś» vydavieckaha domu «Biełorusskaja nauka».
Dyplomam druhoj stupieni ŭ naminacyi «Sadružnaść» uhanaravanaje vydańnie BIEŁTA «Sodružiestvu Niezavisimych hosudarstv 15 let»
U naminacyi «Kniha cikavaha losu» dyplom pieršaj stupieni atrymaŭ zbornik vieršaŭ «Mama. Maci. Matula» vydaviectva «Mastackaja litaratura».