Paźniak: Biełarusaŭ pačnuć pierasialać u Rasieju
Lider KCHP-BNF kaža, što nia treba da hetaha stavicca lehkadumna, bo «Rasieja — heta takaja kraina, dzie zdolnyja ŭvasobić lubyja šyzafreničnyja zadumki».
Zianon Paźniak |
Paźniak kaža, što z kanca minułaha hodu «Maskva pačała inšuju taktyku nastupu na Biełaruś». Heta tłumačycca tym, što adbyŭsia kanflikt miž Pucinym i Łukašenkam.
«Tak zvanaja «pakrokavaja taktyka» pucinskaj intehracyi Biełarusi i Rasiei časova adkładziena ŭ bok. Ciapier Maskva ŭžyvaje metodyku «pakrokavaj pryvatyzacyi» Biełarusi, sutnaść jakoj palahaje ŭ resursnym šantažy Łukašenki, zapałochvańni jaho i zahaniańni ŭ kut, stvareńni pahrozy jahonaj uładzie z metaj prymusić raspłočvacca za šantaž nacyjanalnaj majomaściu Biełarusi, zavodami, fabrykami, pradpryjemstvami, nieruchomaściu i ŭrešcie — ziamloj», — piša Paźniak.
Nastupnym etapam zachopu biełaruskaj majomaści, na dumku lidera KCHP‑BNF, budzie pierasialeńnie biełaruskaha nasielnictva ŭ Rasieju dla pracy ŭ rasiejskaj pramysłovaści, zdabyčy, budaŭnictvie. Paźniak kaža, što nia treba da hetaha adnosicca lehkadumna, bo «Rasieja — heta takaja kraina, dzie zdolnyja ŭvasobić lubyja šyzafreničnyja zadumki».
Paźniak pierakanany, što novy plan Maskvy byŭ prapracavany na Zachadzie, dzie jaho ŭsprymajuć jak naležnaje. «My pavinny spynić maŭčańnie ab dziejańniach Zachadu, u pryvatnaści, Eŭraźviazu», — pierakanany palityk.