BATE zamacoŭvaje pazycyi
Na vychodnych prajšli matčy šasnaccataha turu čempijanatu Biełarusi pa futbole.
Šasnaccaty tur čempijanatu Biełarusi pa futbole, jakija prajšoŭ u vychodnyja, staŭ admietny zamacavańniem na pieršaj pazycyi barysaŭskaha BATE.
Čempijon u subotu doma prymaŭ «Viciebsk». Byli pieraściarohi, što BATE nie paśpieje jak śled uznavić siły paśla matču Lihi čempijonaŭ ź iślandzkim «Chafnafjordziuram». Adnak barysaŭcy pakazali viasioły atakujučy futboł i zasłužana pieramahli – 4:1. Dva hały zabiŭ upieršyniu vyklikany ŭ zbornuju napadnik Vital Radzivonaŭ.
U centralnym matčy turu MTZ-RIPA padzialiła punkty z «Homielem». Na hoł mienčuka Afanaśjeva adkazaŭ Strypiejkis – 1:1.
Salihorski «Šachcior» upeŭniena pierajhraŭ navapołacki «Naftan» – 3:1. Mienskaje «Dynama», choć i panervavałasia ŭ kancoŭcy hulni, ale ŭziało try punkty ŭ matčy z «Darydaj» – 2:1.
Astatnija matčy turu prynieśli nastupnyja vyniki: «Nioman» – «Smurhoni» 0:1, «Dniapro» – «Dynama» (Bieraście) 3:1, «Miensk» – «Tarpeda» 0:0.
Turnirnaja tablica paśla šasnaccaci turaŭ vyhladaje nastupnym čynam: BATE – 36 punkty, MTZ-RIPA – 30, «Homiel» - 26, «Tarpeda», «Šachcior» - pa 25, «Nioman» - 23, «Smurhoni», «Dynama» (Miensk) – pa 21, «Viciebsk» - 20, «Naftan» - 19, «Dynama» (Bieraście), «Dniapro» – pa 14, «Miensk», - pa 12, «Daryda» - 10.
Najlepšy bambardzir Raman Vasiluk («Homiel») – 17 hałoŭ.