Aršanski piŭzavod puściać z małatka
Zavod zavinavaciŭsia bolš jak 12 młrd. rubloŭ biez uliku pieni.
Haspadarčy sud Viciebskaj vobłaści 27 žniŭnia razhledzić pytańnie ab adkryćci konkursnaj vytvorčaści ŭ dačynieńni Aršanskaha pivavarnaha zavoda.
Sprava ŭ dačynieńni piŭzavoda ŭzbudžanaja ŭ suviazi z kredytorskaj zapazyčanaściu pradpryjemstva ŭ pamiery bolš jak 12 młrd. rubloŭ biez uliku pieni. Pa słovach surazmoŭcy ahienctva, zapazyčanaść pradpryjemstva pieravyšaje jaho bałansavy košt. Na siońnia zavod znachodzicca ŭ achoŭnym pieryjadzie, 1 žniŭnia pryznačany jaho časovy kiraŭnik. Pra heta ahienctvu PRAJM-TASS paviedamili ŭ administracyi Viciebskaj vobłaści.