Ciapier u Biełarusi možna telefanavać i na taksafony
Ale pakul nie na ŭsie.
Filijał «Mienskaja haradzkaja telefonnaja sietka» RUP «Biełtelekam» uvioŭ u doślednuju ekspluatacyju pasłuhu «Ŭvachodnaja suviaź na taksafon». Pra heta karespandentu BIEŁTA paviedamili ŭ adździele markietynhu pradpryjemstva.
Tut raskazali, što tasafon z uvachodnaj suviaźziu jość niezamianimym srodkam suviazi ŭ bahata jakich žyćciovych sytuacyjach. Jon asabliva zapatrabavany ŭ bolnicach, navučalnych ustanovach, bazach adpačynku, internatach. Nieabchodnaja takaja pasłuha paŭsiul, dzie niama stacyjanarnaha telefona. Z takoha taksafona mienčuki mohuć sami nabrać svajakoŭ, siabroŭ i paprasić ich pierazvanić, ci mohuć damovicca, što ŭ peŭny čas padyduć da taksafona i buduć čakać zvanka.
Upieršyniu taksafony z uvachodnaj suviaźziu źjavilisia ŭ Bieraściejskaj vobłaśćci. Z 1 žniŭnia takaja pasłuha akazvajecca va ŭsich abłaściach.
U Miensku ŭvachodnyja zvanki mohuć prymać 133 z 4590 taksafonaŭ. Nad taksafonami z uvachodnaj suviaźziu raźmieščanyja nalepki «Taksafon z uvachodnaj suviaźziu» i jahony numar.
Adrasy i numary takich taksafonaŭ možna daviedacca na sajcie MHTS i pa daviedcy 130.
Apłočvaje pasłuhu toj, chto telefanuje na taksafon, pa takich samych taryfach, što i dla zvyčajnaha telefona. Telefanavać možna i z mabilnych telefonaŭ pa taryfach svajho aperatara.