Čekisty prapanoŭvajuć sustrecca čarhovamu studentu‑kalinoŭcu

Kapitan KDB skazaŭ jamu, što padobnyja sustrečy pravodziacca z usimi biełaruskimi hramadzianami, jakija časta ci padoŭhu vyjazdžajuć za miažu.

Udzielnik prahramy imia Kalinoŭskaha z Homielu Daniła Pažaraŭ mieŭ rankam u paniadziełak niezvyčajnuju razmovu pa telefonie. Čałaviek na inšym kancy telefonnaha drotu pradstaviŭsia kapitanam KDB Alaksandram Jakaŭlevym.

Čekist paviedamiŭ pra svajo žadańnie pahutaryć sa studentam i prapanavaŭ naviedać taho prosta pa chatnim adrasie chvilin praz 10. Telefonny surazmoŭca Daniły Pažarava abačliva paabiacaŭ pakazać svajo słužbovaje paśviedčańnie, a taksama dadaŭ, što razmova nie budzie tyčycca prahramy Kalinoŭskaha.

Čekist paviedamiŭ, što hutarka budzie tyčycca pytańniaŭ dziaržaŭnaj biaśpieki. Jašče kapitan Jakaŭleŭ skazaŭ, što padobnyja sustrečy pravodziacca z usimi biełaruskimi hramadzianami, jakija časta ci padoŭhu vyjazdžajuć za miažu.

Daniła Pažaraŭ admoviŭsia sustrakacca z čekistam — prynamsi, da taho momantu, pokul nie prakansultujecca ź jurystam.

Aleś Ratkievič, Radyjo Racyja

Kamientary da artykuła