Taŭpianiec zvolnieny z pasady pieršaha namieśnika ministra enierhietyki

17.04.2013 / 15:31

Eduard Taŭpianiec vyzvaleny ad pasady pieršaha namieśnika ministra enierhietyki Biełarusi ŭ suviazi z vychadam u adstaŭku. Adpaviednuju pastanovu ŭrada padpisaŭ 16 krasavika prem'jer-ministr Michaił Miaśnikovič.

Pasadu pieršaha namieśnika ministra enierhietyki 73-hadovy Taŭpianiec zajmaŭ z 2002 pa 2003 hady. Paśla hetaha jon na praciahu hoda vykonvaŭ abaviazki ministra, a ŭ 2004-m znoŭ viarnuŭsia na pasadu pieršaha namieśnika. Taŭpianiec maje šerah dziaržaŭnych uznaharodaŭ, u tym liku dźvie padziaki Łukašenki (1999 i 2004 hh.). A taksama hanarovyja hramaty Savieta ministraŭ Respubliki Biełaruś (1999, 2005 hh.).

Na naradzie 16 krasavika Alaksandr Łukašenka rezka krytykavaŭ rabotu Minenierha.

Jon zajaviŭ, što vielmi niezadavoleny pracaj enierhietyčnaha kompleksu krainy i patrabuje detalova pravieryć abhruntavanaść farmiravańnia taryfaŭ na ciepła-i elektraenierhiju. Enierhietyki ŭ nas sfarmavali «dziaržava ŭ dziaržavie», z elemientami mafii i bandy, skazaŭ Łukašenka.

Jon daručyŭ kiraŭniku Administracyi prezidenta Andreju Kabiakovu na praciahu bližejšaha tydnia vyrašyć kadravaje pytańnie ŭ sistemie.

Čytajcie taksama:

Kamientary da artykuła