Ukraina krytykuje žart Ivana Urhanta
Skandał razhareŭsia paśla adnaho niaŭdałaha žartu viadučaha rasijskaha Pieršaha kanała. U kulinarnaj pieradačy jon pažartavaŭ z ukraincaŭ: «Ja pasiek zielaninu, jak čyrvony kamisar — žycharoŭ ukrainskaj vioski», — prakamientavaŭ viadučy narezku zielaniny.
Frazačka Urhanta stała padstavaj dla zajavy ŭkrainskaha MZS: «Ministerstva zamiežnych spravaŭ Ukrainy aburanaje niekarektnym vykazvańniem televiadučaha Ivana Urhanta ŭ efiry rasijskaha Pieršaha kanała, jakoje rezka dysanuje z vysokim uzroŭniem stratehičnaha partniorstva pamiž Ukrainaj i Rasijskaj Fiederacyjaj i atmaśfieraj družby i ŭzajemarazumieńnia pamiž našymi narodami. Na žal, u historyi našych narodaŭ było niamała trahičnych staronak, śpiekulavać na jakich — niedapuščalna. U sučasnym cyvilizavanym śviecie padobnyja žarty ličacca drennym tonam i prajavaj niepavahi da pamiaci miljonaŭ achviaraŭ tatalitarnaha režymu», — padkreślivajecca ŭ zajavie MZS.