Dva hady słužby pa kantrakcie buduć ekvivalentnyja adnamu hodu terminovaj słužby.

Deputaty Pałaty pradstaŭnikoŭ na pasiadžeńni 17 krasavika pryniali ŭ pieršym čytańni papraŭki ŭ zakon "Ab vajskovym abaviazku i vajskovaj słužbie".

Jak paviedamiŭ ministr abarony Juryj Žadobin, zakonaprajekt praduhledžvaje, što dva hady słužby pa kantrakcie buduć ekvivalentnyja adnamu hodu terminovaj słužby. Pry hetym ustanaŭlivajecca ŭzrostavy cenz dla kantraktnikaŭ-aficeraŭ. U pryvatnaści, na vajennuju słužbu na pasadzie aficeraŭ zmohuć pastupać tyja, čyj uzrost składaje nie bolš čym 35 hadoŭ.

Zakonaprajekt prapanoŭvaje praduhledzieć padstavy zvalnieńnia vajennasłužačaha ŭ suviazi z adličeńniem z vajennaj navučalnaj ustanovy, kali jość nieadpaviednaść patrabavańniam dla zaklučeńnia novaha kantrakta ab prachodžańni vajennaj słužby.

Zakonaprajekt vyklučaje prava vajennasłužačaha na zvalnieńnie z vajennaj słužby da zakančeńnia terminu kantrakta z pryznańniem jaho vajenna-ŭračebnaj kamisijaj pa stanie zdaroŭja niepryhodnym da vajennaj słužby pa kankretnaj vajenna-ŭlikovaj śpiecyjalnaści ŭ vypadku, kali jon adnačasova pryhodny da vajennaj słužbie abo pryhodny ź niaznačnymi abmiežavańniami. Pavodle słoŭ Žadobina, u 2005 hodzie pravam zvalnieńnia paśla rašeńnia vajenna-ŭračebnaj kamisii skarystalisia try čałavieki, u 2009-m — 38, a ŭ 2012-m — užo 40 čałaviek.

Žadobin paviedamiŭ, što ciapier na ŭliku ŭ vajenkamatach Biełarusi stajać 240 tys. hramadzian mužčynskaha połu starejšych za 18 hadoŭ, 160 tys. ź ich majuć adterminoŭku dla atrymańnia vyjšejšaj adukacyi, jašče bolš čym 35 tys. — adterminoŭki pa inšych padstavach. U cełym zakanadaŭstva praduhledžvaje 55 padstaŭ dla adterminovak.

Kamientary da artykuła