BIEŁ Ł RUS

«15 chvilin tamu spynili samavolstva sielsavieta»: klaštar XVIII st. u Smalanach nie znosiać

17.04.2013 / 17:8

Bieł Łac Rus

Kiryła Chilko

Kaścioł Najśviaciejšaj Dzievy Maryi z kompleksa klaštara daminikancaŭ u Smalanach. Fota z "Hłobusa Biełarusi".

Žyłaja pabudova klaštara. Fota z "Hłobusa Biełarusi".

Žyłaja pabudova klaštara. Fota z Radzima.org.

Čytačy «NN» paviedamili ŭ Redakcyju, što ŭ vioscy Smalany Aršanskaha rajona Viciebskaj vobłaści idzie znos budynka žyłoha korpusa daminikanskaha klaštara,
budynka druhoj pałovy XVIII stahodździa. Sihnał vyklikaŭ šok: jak znosiać? Heta ž kulturnaja kaštoŭnaść!
«Klaštar nie čapajuć!» — zapeŭnili karespandenta «NN» u Smalanskim sielsaviecie.
«Heta unitarnaje sielhaspradpryjemstva „Smalany“ likviduje svaje cechi. Jany ŭ budynku 1937 hoda — navat cehłaj hod pabudovy vykładzieny.
Toj budynak źjaviŭsia, kali pačali arhanizoŭvacca mašynna-traktarnyja stancyi, heta nie pomnik architektury», —
prakamientavała supracoŭnica Smalanskaha sielsavieta Halina Karpušonak.

Adnak zahadčyk siektara achovy historyka-kulturnaj spadčyny Upraŭleńnia pa achovie historyka-kulturnaj spadčyny i restaŭracyi Ministerstva kultury Natalla Chvir paviedamiła «NN», što znos usio ž prachodziŭ z parušeńniem zakanadaŭstva:

«Litaralna 15 chvilin tamu znos spynili — raboty vialisia niepasredna la abjekta historyka-kulturnaj spadčyny. Heta niejkaje nieŭzhodnienaje samavolstva sielsavieta».

Taksama Chvir nahadała, što reštki daminikanskaha klaštara ŭ Smalanach uniesienyja u śpis abjektaŭ historyka-kulturnaj spadčyny Biełarusi.

Pryjemna adznačać, što dziaržava tak pilna jaho baronić. Inšaje pytańnie — stan, u jakim znachodzicca hety vydatny prykład architektury vilenskaha baroka.
«Jaho restaŭravaŭ naš znakamity architektar Leŭ Vitan-Dubiejkaŭski razam ź Lavonam Daŭkšam, — kaža mastactvaznaŭca Siarhiej Chareŭski. — Na žal, siońnia klaštar zaniadbany. Kaścioł pieratvorany ŭ hramadskuju prybiralniu, usiaredzinie lažyć navat stary „Zaparožac“…»

Čytajcie taksama:

Kamientary da artykuła