«Abiary žyćcio!» — novy žurnaliscki konkurs

HA «Biełaruskaja asacyjacyja žurnalistaŭ» raspačynaje novy žurnaliscki konkurs materyjałaŭ, pryśviečanych aśviatleńniu prablemy isnavańnia śmiarotnaha pakarańnia. Prymajucca materyjały, što vyjšli ci vyjduć ŭ śviet z 1 studzienia pa 1 kastryčnika 2013 hoda.

Adnoj z samych zakrytych dla biełaruskaha čytača pa-raniejšamu źjaŭlajecca tema vyniasieńnia i vykanańnia śmiarotnych prysudaŭ. Jak adbyvajecca śledstva? Dzie ŭtrymlivajuć źniavolenych? Pa jakich kryterach vynosiać prysud? Jak pryvodzicca jon u vykanańnie i jak da hetaha stavicca hramadstva, Rada Jeŭropy, ABSIE dy pravaabaroncy?

Kali Vy — siabra HA «BAŽ» i pisali ci źbirajeciesia napisać sioleta na temu śmiarotnaha pakarańnia, zaklikajem dasłać materyjały na konkurs. Na konkurs prymajucca tekstavyja, multymiedyjnyja, fota-, videa- i aŭdyjomateryjały. Usio heta nieabchodna dasyłać da 1 kastryčnika 2013 hoda na adras life@baj.by z ukazańniem aŭtarstva, miesca i daty vychadu materyjału.

Materyjały buduć aceńvacca pa nastupnych kryterach:

— adpaviednaść pracy abvieščanaj tematycy konkursu;

— aryhinalnaść, samastojnaść myśleńnia i tvorčy padychod;

— hramadskaja značnaść i aktualnaść, infarmacyjnaja kaštoŭnaść;

— emacyjnaść i pierakanaŭčaść padačy, vykarystańnie realnych historyj.

U žury konkursu ŭvojduć viadomyja žurnalisty, a taksama pradstaŭniki pravaabarončych arhanizacyj, što zajmajucca prablemaj isnavańnia śmiarotnaha pakarańnia i pravoŭ čałavieka ŭ Biełarusi.

Troch pieramožcaŭ čakajuć dypłomy i pryzy!

Kamientary da artykuła