ZŠA: Padazravany ŭ vybuchach u Bostanie aryštavany
U Bostanie, pradstaŭnik pravaachoŭnych orhanaŭ, jaki pažadaŭ nie nazyvać svajho imia, paviedamiŭ ahienctvu Asašyejted Pres, što čałaviek, jaki padazrajecca ŭ arhanizacyi vybuchaŭ na finišy Bostanskaha marafonu, aryštavany.
Detali aryštu pakul nieviadomyja. Paviedamlajecca, što ŭ bližejšy čas aryštavany budzie dastaŭleny ŭ budynak fiederalnaha suda ŭ Bostanie.
U chutkim časie pra pośpiechi śledstva budzie abvieščana aficyjna.
Nakolki viadoma, aryštavanaha ŭdałosia identyfikavać dziakujučy zapisam videakamier nazirańnia, na jakich byŭ źniaty čałaviek, jaki pakidaje svaju sumku ŭ rajonie miesca vybuchaŭ.
U vyniku vybuchaŭ try čałavieki zahinuli i bolš za 170 atrymali ranieńni. Siarod zahinułych byŭ 8-hadovy chłopčyk, a taksama 29-hadovaja žančyna i student-aśpirant z Kitaja.