Łukašenka: Nas dušać sankcyjami — šeście ŭ Minsku — fotarepartaž

U Minsku prachodzić aficyjnaje šeście z nahody 68-hodździa Pieramohi ŭ vajnie. Karespandenta «Našaj Nivy» Siarhieja Hudzilina z fotaaparatam nie akredytavali na parad, daviałosia karespandency Nastaśsi Chrałovič fatahrafavać na mabilny.

Kałona vieteranaŭ na čale z Alaksandram Łukašenkam i synam Mikałajem prajšła ad Kastryčnickaj płoščy da Płoščy Pieramohi, dzie ŭskłaŭ vianki.

Potym Łukašenka vystupiŭ z pramovaj, addaŭšy daninu pamiaci vialikim ludziam XX st. — Stalinu, Čerčylu i Ruźvieltu,

jon zajaviŭ, što chałodnaja vajna dahetul nie skončana. «Nas dušać sankcyjami, vajskovyja samaloty lotajuć la našaj miažy».

«Suvierennaja Biełaruś ŭvieś čas znachodzicca pad prycełam harmat nieabjaŭlenaj chałodnaj vajny. Sioj-toj na Zachadzie tak i nie zmoh źmirycca z tym, što Biełaruś nie stała čarhovaj „bananavaj respublikaj“, što tančyć pad dudku zaakijanskich demakratyj.

Nas dušać sankcyjami i ablivajuć brudam paklopu. Uzdoŭž našych miežaŭ lotajuć vajennyja samaloty NATA, stvarajucca novyja bazy, ździajśniajucca pravakacyi», — cytuje Łukašenku BiełTA.

«Ale nichto nie prymusić naš narod źviarnuć z vybranaha im šlachu», — zajaviŭ jon.

«Biełaruś niaŭchilna vykonvaje pryncypy mižnarodnaha prava, jana adkrytaja dla raŭnapraŭnaha supracoŭnictva z usimi, ale vyklučna na pryncypach uzajemnaj pavahi i davieru», — skazaŭ jon.

Hałoŭnym pryjarytetam jon nazvaŭ supracoŭnictva z bratniaj Rasijaj, zaklikaŭšy macavać vajennaje majsterstva.

Łukašenka časam źbivaŭsia, niapravilna čytaŭ słovy, časam kašlaŭ.

Kamientary da artykuła