Śviatłana Kurs: Maja babula vypaŭzła z padpalenaj stadoły, patušyłasia ŭ łužynie i prykinułasia miortvaj
8 traŭnia ja śviatkuju Dzień Pieramohi. U hety dzień u 1924 hodzie naradziłasia Alesia Bułynka, maja babula, jakaja ŭ 1943 vypaŭzła z padpalenaj stadoły, patušyłasia ŭ łužynie i prykinułasia miortvaj. Usia jaje siamja — maci i piaciera dziaciej ad 14 da hoda, pieratvarylisia ŭ popieł ŭ stadole vioski Žylin Brod. Aprača Žylinaha Brodu, na Słuččynie spalili 35 viosak, 12 nie adradzilisia. Praz try dni błukańniaŭ abharełaja i spłakanaja Alesia znajšła ŭ lesie svaju paranienuju karovu Mazuru. Jany abiedźvie vyžyli, i dziakujučy tamu žyvu ja. Voś vam i dzień pieramohi.