Biełarusaŭ zaprašajuć na parad Šumana ŭ Varšavie
Z nahody Dnia Jeŭropy va ŭsich jeŭrapiejskich stalicach 11--12 maja prachodziać uračystyja šeści. U Varšavie parad Šumana pojdzie 11 maja ŭ subotu a 12 hadzinie ad Zamkavaj płoščy (Placu Zamkowego). Dałučycca da paradu zaprašajuć i biełarusaŭ. "Biełaruś - jeŭrapiejskaja kraina! Vyjdziem na Parad z našymi ściahami! Hurtujemsia vakoł bieł-čyrvona-biełaha štandara, jaki viarnuŭsia z Čempijanatu śvietu pa chakieju ŭ Stakholmie!" -- zaklikaje inicyjatyva "Biełaruskaja nacyjanalnaja pamiać".
Parad Šumana ładzicca štohod ad 1993-ha. Jon nazvany ŭ honar ideołaha stvareńnia Jeŭrapiejskaha Sajuza — byłoha ministra zamiežnych spravaŭ Francyi Rabiera Šumana.