Idzie zbor podpisaŭ pad pietycyjaj u Fiederacyju chakieja za biełaruskuju simvoliku

«Palityka maje zastavacca pa-za sportam. Kateharyčna nieprymalna, što Mižnarodnaja fiederacyja chakieja i arhanizatary Čempijanatu śvietu 2013 praz palityčnyja matyvy pieraškadžajuć biełaruskim zaŭziataram karystacca nacyjanalnaj simvolikaj padčas hulniaŭ spabornictva», — za takuju pietycyju idzie zbor podpisaŭ na sajcie Change.org. Jaje inicyjavaŭ Aleś Čarniakovič — biełarus, jaki ciapier pracuje ŭ Ispanii.

Za 9 maja pad dakumientam było sabrana kala 500 podpisaŭ. Aleś Čarniakovič zaklikaje ŭsich dałučycca.

Jon ličyć, što biełarusam pryncypova važna reahavać na prykraści, kštałtu zabarony na bieł-čyrvona-biełyja ściahi ŭ Stakholmie, bo heta pytańnie pavahi da našaj nacyi i jaje pravoŭ. Takija kropli kamień točać.

«Z kožnym padpisańniem adpraŭlajecca list arhanizataram i fiederacyi ad kožnaj kankretnaj asoby, — paviedamiŭ Čarniakovič «Našaj Nivie». — plus rozhałas u hramadstvie i miedyjach. Usio heta stvaraje hramadski cisk. My ŭžo damahlisia «kampramisu», ale heta śmiešna, treba dacisnuć», — kaža jon.

Jon nahadvaje, što pratesty možna zasyłać i asabista na elektronny adras info.stockholm@2013.iihfworlds.com. Ale prosić dziejničać i praź pietycyju taksama.

Kamientary da artykuła