Troje maładych ludziej zahinuli ŭ strašnaj avaryi ŭ Baranavickim rajonie
Mašyna, u jakoj znachodzilisia dvoje chłopcaŭ i dziaŭčyna, urezałasia ŭ dreva i zaharełasia. I kiroŭca, i pasažyry, zahinuli na miescy.
Avaryja zdaryłasia ŭ noč z 11 na 12 maja ŭ vioscy Savičy Baranavickaha rajona, paviedamlaje «Intex-press».
U Baranavickim RAUS miarkujuć, što 20-hadovy žychar Baranavičaŭ nie spraviŭsia z kiravańniem aŭtamabila «Falksvahien-Vienta», mašyna vylecieła na ŭzbočynu, urezałasia ŭ dreva i zaharełasia.
Pa słovach supracoŭnikaŭ milicyi, vierahodna dvoje chłopcaŭ — kiroŭca i 18-hadovy pasažyr — jakija siadzieli napieradzie, zahinuli imhnienna, a 21-hadovaja dziaŭčyna jašče była niekatory čas žyvaja, adnak jaje prosta nie było kamu vyciahnuć z achoplenaha ahniom aŭtamabila.
Pravodzicca pravierka.