Infarmacyja pra vizit Łukašenki ŭ Armieniju paćvierdziłasia aficyjna
abnoŭlena
U Biełarusi aficyjna pra vizit nie paviedamlajecca.
Aficyjnaje paviedamleńnie pra vizit u Armieniju źjaviłasia na sajcie Łukašenki.
Zhodna jaho, zapłanavanyja pieramovy prezidentam Armienii Sieržam Sarhsianam. Pryjarytetnaja ŭvaha budzie nadadziena pašyreńniu dvuchbakovaha handlu, raźvićciu ekanamičnych kantaktaŭ, u tym liku za košt realizacyi sumiesnych kaapieracyjnych prajektaŭ. Pa vynikach pieramoŭ čakajecca padpisańnie šerahu dvuchbakovych dakumientaŭ, havorycca ŝ paviedamleńni.
U 2012 hodzie dvuchbakovy tavarazvarot skłaŭ $ 46,1 młn. Ekspart — $ 38,7 młn. Impart — $ 7,4 młn.
Nahadajem, što 11 maja armianski sajt News.am paviedamiŭ pra vizit Alaksandra Łukašenki ŭ Armieniju.
Resurs pryvodziŭ słovy daśviedčanaj krynicy pra padrabiaznaści vizita. Nibyta Łukašenka prybyvaje ŭ Jerevan «z davoli pradstaŭničaj delehacyjaj, u składzie jakoj ministry i inšyja aficyjnyja asoby, a taksama biźniesmieny».
News.am piša, što ŭ Jerevanie kiraŭnik Biełarusi praviadzie pieramovy z prezidentam Armienii Sieržam Sarhsianam, a 14 maja jon prymie ŭdzieł u cyrymonii adkryćcia novaj carkvy Surb Avanes (Sv. Iaana) u Abovianie, pabudavanaj na srodki jaho daŭniaha siabra Hahika Carukiana.
Aficyjnaj infarmacyi pra vizit Łukašenki ŭ Armieniju paśla paviedamleńniaŭ u armianskaj presie nie było na praciahu amal sutak.