U Leninie adkryli miemaryjalny znak u pamiać 1200 achviar nacyzmu - foty

Chrosny chod kala carkvy ŭ Leninie.

Supolnaja malitva.

Chrosny chod.

Śviedki trahiedyi i ich svajaki.

Staršynia HA BDTAPHK A. Astapovič (źleva), A. Askaldovič (u centry), staršynia Leninskaha s/s V. Niamčenia (sprava). 10.05.2013 h.

12 maja 2013 h. u byłym miastečku Lenin, zaraz adnajmiennaja vioska ŭ Žytkavickim rajonie, adbyłosia ŭračystaje adkryćcio miemaryjalnaha kamianiu ŭ pamiać 1200 niavinnych achviar nacyzmu, jakija byli zakatavany ŭ lutym 1943 h. Heta žychary samoha miastečka i navakolnych viosak, biełarusy i palaki, jakich nacysty źniščyli ŭ adkaz na zachop miastečka savieckimi partyzanami.

Kamień i miemaryjalnaja šylda na kamianiu ŭstalavany ŭ centry byłoha miastečka, pobač z brackaj mahiłaj sałdat i aficeraŭ Čyrvonaj Armii, zahinułych pry vyzvaleńni pasielišča ŭ 1944-m h., pa inicyjatyvie i z fundacyi i polskaha biznesmena sa Ščecina, vychadca ź siemjaŭ Bahukoŭ, Horbataŭ i Krukovičaŭ, jakija žyli ŭ Leninie i vakolicach, Antonija Andžeja Askaldoviča.

Cyrymonija aśviačeńnia praviedziena archirejem, japiskapam Turaŭskim Leanidam, administrataram Pinskaj dyjacezii biskupam Antonijam Dziamjankam. Papiarednie adbylisia biskupskaja imša ŭ mikaševickim kaściole Ŭniebaŭziaćcia Najśviaciejšaj Panny Maryi, archirejskaja słužba ŭ carkvie Rastva Baharodzicy ŭ Leninie. Paśla nabaždenstvaŭ byŭ zładžany supolny chrosny chod na miestačkovyja chryścijanskija mohiłki, dzie była praviedziena supolnaja zaupakojnaja malitva.

U mierapryjemstvie pryniali ŭdzieł staršynia Žytkavickaha rajonaha savieta deputataŭ Nina Ramanovič, namieśnik staršyni Žytkavickaha rajvykankamu Valeryj Rahalevič, staršynia Leninskaha sielsavietu Vasil Niamčenia, daradca Ambasady Polščy ŭ Biełarusi Alaksandr Vasileŭski, hienieralny konsuł Polščy Marek Pendzich, zastaŭšyjasia ŭ žyvych śviedki toj strašnaj trahiedyi, siamja i svajaki Antonija Andžeja Askaldoviča, pradstaŭniki Biełaruskaha dobraachvotnaha tavarystva achovy pomnikaŭ historyi i kultury, miascovyja žychary.

Cyrymonija adkryćcia źjaviłasia cudoŭnym prykładam nie na słovach, a na spravie dziaržaŭna-hramadskaha partniorstva i narodnaj dypłamatyi, kali, dziakujučy inicyjatyvie tolki adnoj vialikaj siamji, jakuju abstaviny razarvali pamiž Biełaruśsiu i Polščaj, byli jašče bolej ŭmacavany masty siabroŭstva i dobrasusiedstva pamiž narodami, jakija napraciahu stahodździaŭ žyli ŭ adnoj dziaržaŭnaj i kulturnaj prastory.

Udzieł Biełaruskaha dobraachvotnaha tavarystva achovy pomnikaŭ historyi i kultury ŭ padrychtoŭčych pracach pa stvareńniu miemaryjału, pa jaho adkryćciu adbyŭsia pry padtrymcy ahulnanacyjanalnaj kampanii «Budźma biełarusami».

Kamientary da artykuła