Z vahona elektryčki Brest — Minsk z-za ślezaciečnaha hazu evakujavali pasažyraŭ

Zdareńnie adbyłosia ŭviečary 12 traŭnia ŭ Ivacevičach. U vahonie pabilisia futbolnyja fanaty.

Praŭda, evakujavali nie ŭsich, a tolki pasažyraŭ z apošniaha vahona. Mienavita ŭ hetym vahonie jechali futbolnyja fanaty z matča pamiž dynamaŭcami Bresta i Minska.

Minskija amatary futbołu — z adnaho boku, i ivacevickija dy biarozaŭskija — z druhoha, učynili ŭ elektryčcy bojku. Niechta ź ich skarystaŭsia hazavym bałončykam. U Ivacevičach troje milicyjantaŭ evakujavali z vahona pasažyraŭ i nikoha tudy nie puskali. Niechta sarvaŭ stop-kran, i ciahnik rušyŭ sa stancyi sa spaźnieńniem, a nie zhodna hrafiku ŭ 20.32.

Jak kažuć śviedki zdareńnia, natoŭp ivacevickich fanataŭ biehaŭ pa pieronie, zaklikajučy minčukoŭ vyjści ź ciahnika, kab «źvieści rachunki». Tyja ž praz vokny adkazvali abrazami.

Kamientary da artykuła