20 maja ŭ Breście pavysiłasia płata za prajezd u transparcie
Z hetaha paniadziełka tałon na aŭtobus i tralejbus kaštuje 1 700 rubloŭ (raniej — 1400). Kvitok u kiroŭcy budzie kaštavać 1 900 rubloŭ suprać jašče učorašnich 1 600. Prajezd u maršrutnym taksi padaražeŭ na tysiaču i ciapier składaje 5000 rubloŭ.
Pavodle słoŭ v.a. dyrektara KTUP «Bresthartrans» Aleha Ihnatčuka, hetaje pavyšeńnie abumoŭlena šeraham faktaraŭ:
«Heta jašče raniej treba było rabić. Akupnaść pieravozak sioleta źniziłasia amal na 10% u paraŭnańni ź minułym hodam. Šmat vydatkaŭ: enierharesursy, paliva, nieabchodnaść pavyšeńnia zarobku kiroŭcam».
Kiraŭnik hałoŭnaha transpartnaha pradpryjemstva horada taksama adznačaje, što hety rost taryfu niedastatkovy dla akupnaści.
Z pačatku hoda heta pieršaje padaražańnie płaty za prajezd u hramadskim transparcie. U 2012 hodzie prajezd daražeŭ dvojčy.