Łukašenka adznačaje važnaść adnosin ź Indyjaj
Alaksandr Łukašenka siońnia na sustrečy sa śpikieram Narodnaj (nižniaj) pałaty Parłamienta Indyi Miejraj Kumar adznačyŭ važnaść adnosin ź Indyjaj.
"Indyja - hihanckaja, najbahaciejšaja, viadučaja kraina śvietu, i nam vielmi važny adnosiny ź Indyjaj", - skazaŭ jon. Alaksandr Łukašenka źviarnuŭ uvahu na toje, što dvuchbakovyja adnosiny majuć daŭniuju historyju, a za apošnija hady značna intensifikavalisia.
Havoračy ab handlova-ekanamičnym supracoŭnictvie dźviuch krain, jon adznačyŭ, što isnujučy tavaraabarot u pamiery paŭmiljarda dołaraŭ - heta zusim niašmat. "Liču, nam treba stavić jašče bolšyja mety i pierachodzić ad prostaha tavaraabmienu da kaapieracyjnych suviaziej, stvarać sumiesnyja pradpryjemstvy tut i tam, u Indyi, pahłyblać našy handlova-ekanamičnyja adnosiny", - skazaŭ Łukašenka.