U Hrodnie varony atakavali prachožych, baroniačy svajo ptušania
U subotu ŭviečary ad haradskich žycharoŭ Hrodna ŭ MNS stali pastupać paviedamleńni, što na vulicy Maładziožnaj varony atakujuć ludziej.
Pryčynaj takich niezvyčajnych pavodzinaŭ ptušak stała vypadzieńnie varaniaci z hniazda. Darosłyja asobiny, sprabujučy abaranić svajo dzicia, napadali na ludziej, jakija mirna adpačyvali ŭ dvary, dziaŭbli i drapali ich kipciurami.
Sproby rabotnikaŭ harśviatła viarnuć ptušania ŭ hniazdo pry dapamozie aŭtakalenčataha padjomnika sustreli na svaim šlachu luty supraciŭ varonaŭ.Tady na dapamohu pryjšli ratavalniki. Akazałasia, što śpiecyjalnaje abmundziravańnie pažarnych zdolna abaranić nie tolki ad ahniu, ale i ad napadaŭ ptušak. Kali ptušania viarnułasia ŭ rodnaje hniazdo, varony supakoilisia.