Ładućka zahadaŭ skaracić čas ramontu tramvajnych šlachoŭ na Jakuba Kołasa ŭdvaja
Tempy rekanstrukcyi tramvajnych šlachoŭ pa vuł. Ja.Kołasa ŭ Minsku paskorać udvaja. Takoje daručeńnie pradpryjemstvu «Minsktrans» daŭ siońnia na apieratyŭnaj naradzie staršynia Minharvykankama Mikałaj Ładućka.
Płanujecca aktyvizavać raboty pa vychadnych dniach i ŭ načny čas, kab paźbiehnuć uźniknieńnia zatoraŭ ŭ pikavyja hadziny na hetym učastku.
Jak adznačyŭ hienieralny dyrektar pradpryjemstva «Minsktrans» Lavoncij Papianok, rekanstrukcyja tramvajnych šlachoŭ pa vuł. Ja.Kołasa pryviała da źnižeńnia prapusknoj zdolnaści ŭ hetym rajonie, jość adstavańni ad hrafika ŭ ruchu aŭtobusaŭ. «My ŭličym zaŭvahi, pierahledzim terminy vykanańnia rabot», — adznačyŭ jon.