Siamiejnaja para ŭžyvała opij u prysutnaści trochhadovaha dziciaci
Supracoŭniki pa narkakantroli Partyzanskaha RUUS Minska sumiesna z bajcami śpiecpadraździaleńnia MUS "Ałmaz" likvidavali narkapryton pa vulicy Niomanskaj u stalicy.
Jak paviedamili ŭ HUUS Minharvykankama, apieracyja pa zatrymańni adbyvałasia niepasredna padčas vyrabu i ŭžyvańnia narkatyčnaha srodku. U hety čas u pakoi znachodziłasia 3-hadovaje dzicia.
U chodzie ahladu byli znojdzieny dźvie butelki tolki što pryhatavanaha ekstrakcyjnaha opiumu, a taksama inhredyjenty dla jaho vyrabu, pa ŭsioj kvatery byli raskidany šprycy z opiumam, a taksama ŭžo vykarystanyja šprycy.
Jak vyśvietliłasia, maładaja siamiejnaja para apošnim časam zachapiłasia vyrabam i ŭžyvańniem opiumu. Pry hetym jany aktyŭna zaprašali da siabie ŭ hości inšych narkamanaŭ. Dla ŭžyvańnia narkotyku kvateru mahli naviedać u dzień dziasiatak čałaviek. Za dozu i dachu nad hałavoj dla ŭžyvańnia opiumu hości raspłačvalisia ŭ asnoŭnym kampanientami dla vyrabu ziołak. U toj čas jak darosłyja zabaŭlalisia na kuchni, u susiednim pakoi znachodziłasia 3-hadovaje dzicia.
27-hadovy raniej sudzimy za kradziažy i rabavańni muž nidzie nie pracuje, jaho 24-hadovaja žonka znachodzicca ŭ dekretnym adpačynku.
Losam dziciaci zajmajucca supracoŭniki inśpiekcyi pa spravach niepaŭnaletnich i śpiecyjalisty ŭpraŭleńnia adukacyi, jakija i zabrali dzicia. U dačynieńni da muža i žonki raspačata kryminalnaja sprava.