Staršynia KDB: Anarchist rychtavaŭ terakt u Homieli
Za apošni čas Kamitetu dziaržbiaśpieki Biełarusi ŭdałosia praduchilić niekalki aktaŭ teraryzmu z boku anarchistaŭ.
Pra heta, jak infarmuje ahienctva BiełTA, paviedamiŭ 30 maja na pasiadžeńni pałaty pradstaŭnikoŭ staršynia KDB Valeryj Vakulčyk. U pałacie hienierał Vakulčyk pradstaŭlaŭ papraŭki pa ŭviadzieńni administracyjnaj adkaznaści za raspaŭsiudžvańnie ŭ Internecie infarmacyi ab pradukavańni vybuchovych rečyvaŭ.
U pryvatnaści, pa słovach Vakulčyka, anarchist rychtavaŭ terakt u Homieli ŭ navahodniuju noč z 31 śniežnia na 1 studzienia 2012 hoda.
Śpiecsłužby taksama vyjavili cikavaść da sposabaŭ vyrabu vybuchoŭki ŭ aktyvistaŭ supołki nacyjanał-balšavikoŭ. Naprykład, adpaviednyja materyjały byli kanfiskavanyja ŭ pradstaŭnikoŭ hetaj hrupoŭki ŭ Lidzie ŭ čas rasśledavańnia spravy ab chulihanskich dziejańniach, nakiravanych suprać Doma palakaŭ.